Hesabat dövründə Ali Attestasiya Komissiyası tərəfindən 878 nəfərə fəlsəfə doktoru elmi dərəcəsi verilməsi haqda qərar qəbul olunub.

AZƏRTAC xəbər verir ki, bu barədə Azərbaycan Respublikasının Prezidenti yanında Ali Attestasiya Komissiyasının sədri Famil Mustafayev “2019-2022-ci illər ərzində Azərbaycan Respublikasının elmi müəssisə və təşkilatlarının, ali təhsil müəssisələrinin nəzdində fəaliyyət göstərmiş dissertasiya şuralarının fəaliyyətinin nəticələrinə dair” yığıncaqda məlumat verib.

Sədr qeyd edib ki, fəlsəfə doktoru elmi dərəcəsi ən çox iqtisad elmləri sahəsində verilib. Sonrakı pillələri filologiya, texnika və tibb elmləri tutur.