Biz Zəngilanın Ağalı kəndində “ağıllı kənd”lə tanış olduq. Azərbaycan dövləti Qarabağda çox gözəl işlər görüb. Əgər Ermənistan burada qalsaydı, bu yerlər xaraba qalacaqdı. Ölkəniz isə Qarabağda faydalı işlərini uğurla icra edir.

Bu fikirləri AZƏRTAC-a müsahibəsində "TRT Arab" telekanalının müxbiri Eymen Süleyman söyləyib.

O qeyd edib ki, regionda Ermənistan təxribatlarını davam etdirərsə, bu, onların özlərinə zərər verəcək.

“Mən 3 ay Ukraynada oldum, savaşları izlədim. Olduğum heç yerdə sizin ölkənizdəki qədər mina görmədim. İki ildir təmizlənsə də, minalar bitmək bilmir. Ermənistan 30 ilə yaxın müddətdə Azərbaycan ərazilərini mina ilə tamamilə çirkləndirib və buranı təhlükəli zonaya çevirib. Ermənistan mülki şəxslərin oraya köçürülməsinin sürətləndirilməsi üçün mina xəritələrini Azərbaycana verməlidir”,- deyə o qeyd edib.