Ailənin sosial statusundan asılı olmayaraq bütün məktəbyaşlı uşaqların icbari təhsilə cəlb edilməsi vəzifəmizdir. Bütün yerli icra hakimiyyəti orqanlarında bununla bağlı komissiyalar var.

AZƏRTAC xəbər verir ki, bunu Məktəbəqədər və Ümumi Təhsil üzrə Dövlət Agentliyinin direktoru Eşqi Bağırov martın 6-da keçirilən brifinqdə deyib.

O bildirib ki, təhsilə cəlb olunmayan uşaqlarla bağlı aidiyyəti orqanlar tərəfindən araşdırma aparılır: “Elm və Təhsil Nazirliyi erkən nikahların olmaması üçün maarifləndirmə işləri aparır. Amma bu, belə halların baş verməsini istisna etmir”.