Ermənistan silahlı qüvvələrinin bir neçə üzvünün təqsirləndirilməsi ilə bağlı olaraq məhkəmə baxışı keçirilib.

AZƏRTAC xəbər verir ki, prosesə sədrlik edən hakim iştirakçıları yoxladıqdan sonra tərəflərə söz verib. Əvvəlcə dövlət ittihamçısı çıxış edərək elan olunan ittiham barədə danışıb, işin materiallarındakı ittiham üçün önəmli xüsusatlara toxunub.

İttiham tərəfinin çıxışından sonra hakim elan edilmiş ittihamın mahiyyətini təqsirləndirilən şəxslərə izah etdikdən sonra onların hüquq və vəzifələri barədə məlumat verib.

Hakim tərəflərə prosessual ardıcıllıqla, yəni, əvvəlcə ittiham, daha sonra müdafiə tərəfinin sübutlarını təqdim etməsini bildirib. Hər iki tərəf ardıcıllıqla öz sübutlarını məhkəməyə təqdim edib.

Məhkəmə prosesi zamanı təqsirləndirilən şəxslərə söz verilərək, onların ifadələri dinlənilib.

Dövlət ittihamçısı işin materiallarını oxuyub təhlil edərək lazımi xüsusatlar üzrə təqsirləndirilən şəxslərə suallar verib.

Dövlət ittihamçısı cinayət işinin materialları ilə tanış olub sübutları təhlil edərək, ittihamın mahiyyəti barədə proses iştirakçılarına məlumat verib, həmçinin lazımi sübutları məhkəməyə təqdim edib.

Məhkəmə prosesində tərəflərin təqdim etdiyi sübutlar tədqiq olunub.