Təhsilimizin irəli getməsi, inkişafı üçün elmi-tədqiqatlar aparılmalıdır. Yeni təhsil modelləri yaradılmalı, tədqiq edilməlidir.

AZƏRTAC xəbər verir ki, bunu təhsil naziri Emin Əmrullayev Təhsil İnstitutunun 90 illik yubileyinə həsr olunan hesabat tədbirində deyib. Nazir bildirib ki, yeni təhsil modeli yaradılarkən digər ölkələrin təhsil modelləri də nəzərdən keçirilməlidir. Bu modellər birbaşa deyil, pilot layihə kimi tədricən tətbiq olunmalıdır.