1667 məktəbəqədər təhsil müəssisəsini özündə birləşdirən elektron sistem yaradılıb.

AZƏRTAC xəbər verir ki, bunu təhsil naziri Emin Əmrullayev “Azərbaycan Respublikasının 2022-2026-cı illərdə sosial-iqtisadi inkişaf Strategiyası” və digər məsələlərlə bağlı təşkil etdiyi brifinqdə deyib. Nazir bildirib ki, artıq bu sistemə 17 min 246 uşağın məlumatları daxil edilib.

Xatırladaq ki, Prezident İlham Əliyev iyulun 22-də “Azərbaycan Respublikasının 2022–2026-cı illərdə sosial-iqtisadi inkişaf Strategiyası”nın təsdiq edilməsi haqqında Sərəncam imzalayıb.