Pandemiya ilə əlaqədar karantin şərtləri məktəb və bağçalarda Nazirlər Kabineti yanında Operativ Qərargahın ən son qaydalarına əsasən tətbiq edilir.

AZƏRTAC xəbər verir ki, bunu təhsil naziri Emin Əmrullayev jurnalistlərə açıqlamasında bildirib.

Nazir deyib: “Hazırda ölkədə fəaliyyət göstərən bütün ümumtəhsil müəssisələri əyani tədrisdədir. Bu da təhsil işçilərinin vaksinasiya prosesində fəal iştirak etməsi ilə bağlıdır. Təhsil işçilərinin təxminən 97 faizi peyvənd olunub. Gün ərzində ölkə üzrə yoluxma sayı yetərincə azdır. Hesab edirəm ki, mövcud şəraitdə məktəblərdə ciddi problem yaşanmır".

Nazir məktəblərdə “Son zəng” tədbirlərinin hansı qaydada keçirilməsi məsələsinə aydınlıq gətirib: “Bu haqda danışmaq hələ tezdir. Tədris ilinin başa çatmasına 2 aya yaxın vaxt var. Müşahidə olunan şərait davam etsə, təbii ki, “Son zəng” tədbirlərinin ənənəvi qaydaya yaxın formatda keçirilməsi istisna edilmir”.