Ötən ildən etibarən bağçalara qeydiyyatla bağlı elektron qəbul sistemi işə başlayıb. Valideynlər bu sistemdən istifadə edərək övladını uyğun bağçaya yerləşdirmək şansını əldə edir.

AZƏRTAC xəbər verir ki, bunu Elm və Təhsil Nazirliyinin Ümumi və məktəbəqədər təhsilin təşkili və idarə olunması şöbəsinin müdiri Elnur Əliyev bağçalarla bağlı maarifləndirmə istiqamətində media nümayəndələri üçün keçirilən seminarda deyib. Onun sözlərinə görə, Bakı, Sumqayıt, Abşeronda bəzi ərazilərdəki bağçalarda yer yoxdur: “300-400 valideyn boş yer gözləyir. Üç monitorinq aparılıb, uşaqların bağçaya davamiyyəti araşdırılıb. 70-80 faiz davamiyyət var. Elə qrup var ki, 4-5 uşaq ümumiyyətlə gəlmir”.