Bu tədris ili Azərbaycan üçün əlamətdar ildir. İkinci ildir ki, işğaldan azad edilmiş ərazilərdə məktəblərdə zəng çalınır. Ağalı kənd məktəbindən sonra Füzuli şəhərində, Laçın rayonunun Zabux kəndində, bir qədər sonra Şuşada məktəbdə zəng səsini eşidəcəyik.

AZƏRTAC xəbər verir ki, bunu elm və təhsil naziri Emin Əmrullayev Bakı şəhəri təhsil işçilərinin sentyabr konfransında söyləyib. Nazir işğaldan azad edilmiş ərazilərdə təhsil infrastrukturunun yaradılmasından danışıb.