Vətən müharibədə nümayiş etdirdiyimiz həmrəyliyi, birliyi postmüharibə dövründə də davam etdirməliyik.

AZƏRTAC xəbər verir ki, bunu Milli Məclis sədrinin birinci müavini Əli Hüseynli fevralın 14-də keçirilən “Qlobal araşdırmaçı jurnalist və insan hüquqları şəbəkəsinin Azərbaycana qarşı fəaliyyətində erməni faktoru” adlı kitabın təqdimat mərasimində söyləyib.

Yeni qəbul edilən "Media haqqında" qanunun cəmiyyətə və dövlətə töhfə verəcəyindən əminliyini ifadə edən Əli Hüseynli vurğulayıb ki, cəmiyyətin iradəsi dövlətin iradəsi ilə birləşəndə daha güclü oluruq.