Dekabrın 16-da 3 nömrəli Uşaq-Gənclər İnkişaf Mərkəzində Əhməd Cavadın 130 illiyinə həsr olunmuş "Milli istiqlal şairi" adlı ədəbi-bədii gecə keçirilib.

AZƏRTAC xəbər verir ki, tədbirin əvvəlində mərkəzin xor kollektivi şairin şah əsəri olan Azərbaycan Respublikasının Dövlət Himnini ifa edib.

Sonra istiqlal şairinin həyat və yaradıcılığından, müstəqil Azərbaycan uğrunda apardığı şərəfli mübarizədən söz açılıb. Şairin azadlıq yolunda şəhidlik zirvəsinə ucalan vətənpərvər kimi yaddaşlardan heç zaman silinməyəcəyi bildirilib.

Prezident İlham Əliyevin şairin 130 illiyi ilə bağlı imzaladığı Sərəncamın Azərbaycan ədəbiyyatına olan böyük qayğının bariz nümunəsi olduğu vurğulanıb.

Tədbirdə mərkəzin istedadlı uşaqlarının ifasında Əhməd Cavadın şeirləri və şairin sözlərinə bəstələnən mahnılar səsləndirilib