Martın 11-də Ədliyyə Nazirliyinin inzibati binasında kütləvi informasiya vasitələri nümayəndələrinin iştirakı ilə mətbuat konfransı keçirilir.

AZƏRTAC xəbər verir ki, ötən il 8 Noyabr - Zəfər Günü münasibətilə elan olunmuş amnistiya aktının icrasının başa çatmasına həsr olunan tədbirdə nazirliyin, Penitensiar və Probasiya xidmətlərinin, Bakı Apellyasiya Məhkəməsinin əməkdaşları, Ədliyyə Nazirliyi yanında İctimai Komitənin üzvləri iştirak edirlər.

Qeyd edək ki, Milli Məclisin noyabrın 5-də keçirilən iclasında 8 Noyabr – Zəfər Günü münasibətilə amnistiya elan edilməsi haqqında qərar qəbul edilib. Prezident İlham Əliyevin təşəbbüsü ilə qəbul olunan amnistiya aktının icrası dörd ay ərzində başa çatdırılıb.