Bakıda aerobika gimnastikası üzrə dünya çempionatı davam edir.

AZƏRTAC xəbər verir ki, çempionatda qarışıq cütlüklərin təsnifat yarışlarına yekun vurulub. Uğurlu çıxış edən İtaliya (22,250 xal), Rusiya (22), Macarıstan (21,950), Braziliya (21,700), Bolqarıstan (21,450), Rumıniya (21,400), İtaliya 2-ci cütlük (21,250) və Ukraynadan (20 750) olan cütlüklər həlledici mərhələyə yüksəliblər.

Mayın 29-dək davam edəcək yarışda 22 ölkədən 171 gimnast birincilik uğrunda mübarizə aparır.

Çempionatda gimnastlar fərdi qadın və kişi, qarışıq cütlük, üçlük, qrup, həmçinin aerodans və aerostep proqramlarında yarışacaqlar. Qaydalara əsasən, bir iştirakçı bu kateqoriyaların maksimum üçündə çıxış edə biləcək. Çempionatda hər bir kateqoriya üzrə təsnifat və final mərhələləri baş tutacaq.