Bakıda keçirilən akrobatika gimnastikası üzrə 28-ci dünya çempionatında qadın qrupların balans hərəkətində qaliblər müəyyənləşib.
×
Bakıda keçirilən akrobatika gimnastikası üzrə 28-ci dünya çempionatında qadın qrupların balans hərəkətində qaliblər müəyyənləşib.
AZƏRTAC xəbər verir ki, ABŞ təmsilçiləri 28,710 xalla bütün rəqiblərini qabaqlayaraq fəxri kürsünün ən yüksək pilləsinə qalxıblar. Belçika gimnastları 28,140 xalla çempionatı ikinci, Avstriya idmançıları (26,910) üçüncü pillədə başa vurublar.
Çempionata 17 ölkədən 170 gimnast qatılıb.
Dörd gün davam edəcək yarışda idmançılar qadın, kişi və qarışıq cütlükləri, eləcə də qadın və kişi qrupları proqramlarında balans, temp və qarışıq hərəkətlər üzrə çıxış edəcəklər.
Xatırladaq ki, 2018-ci ildə Azərbaycan ilk dəfə akrobatika gimnastikası üzrə dünya kuboku turnirinə, bu il martın 3-dən 6-dək isə 12-ci dünya yaş qrupları yarışlarına ev sahibliyi edib.
