Noyabrın 5-də Azərbaycan Dövlət Uşaq Filarmoniyasında “Zəfər sədası” Musiqi Festivalı çərçivəsində tədbir təşkil edilib.
×
Noyabrın 5-də Azərbaycan Dövlət Uşaq Filarmoniyasında “Zəfər sədası” Musiqi Festivalı çərçivəsində tədbir təşkil edilib.
AZƏRTAC xəbər verir ki, Mədəniyyət Nazirliyinin təşkilatçılığı ilə Zəfər Gününə həsr edilmiş tədbirdə əvvəlcə ölkəmizin ərazi bütövlüyü uğurunda candan keçən qəhrəman Vətən övladlarının xatirəsi bir dəqiqəlik sükutla yad olunub.
Tədbirdə çıxış edən ehtiyatda olan polkovnik Əzizağa Qənizadə Vətən müharibəsinin tarixi önəmindən danışıb.
Qeyd edilib ki, Vətən müharibəsi Azərbaycan tarixinə qızıl hərflərlə yazılıb. Prezident, Müzəffər Ali Baş Komandan İlham Əliyev qalib sərkərdə, Azərbaycan Silahlı Qüvvələri güclü ordu, xalqımız isə böyük, məğrur, yenilməz olduğunu bir daha təsdiqlədi. Bu Qələbəni Müzəffər Ali Baş Komandanın qətiyyəti, siyasi iradəsi, müzəffər Ordumuzun şücaəti, qəhrəmanlığı, qorxmaz, cəsur əsgərlərimizin canı, ölməz şəhidlərimizin qanı, xalqımızın birliyi hesabına qazandıq.
Tədbirlərdə 44 günlük Vətən müharibəsində iştirak etmiş şəhidlərin ailə üzvləri və veteranlar iştirak ediblər.
"Bacarıqlı əllər" dərnəyinin yetirmələrinin əsərlərinin sərgiləndiyi tədbir konsert proqramı ilə davam edib