Müxtəlif qruplarda təxminən 2400 boş yer qalıb. Hər bir qrupda 200 baldan yuxarı nəticə göstərib kənarda qalanların sayı, demək olar ki, çox azdır.
×
Müxtəlif qruplarda təxminən 2400 boş yer qalıb. Hər bir qrupda 200 baldan yuxarı nəticə göstərib kənarda qalanların sayı, demək olar ki, çox azdır. Boş yerlər üzrə müsabiqədə 200 baldan yuxarı nəticə göstərənlər uğur qazana bilərlər. 150-200 bal arası nəticə göstərənlərin sayı daha çoxdur. Amma onlara da yer az qalıbdır. Orada təxminən 245 yer qalıb. Eyni zamanda, bütün ixtisaslara subbakalavrlar sənəd verib ixtisas seçimi edə bilərlər.
AZƏRTAC xəbər verir ki, bunu Dövlət İmtahan Mərkəzinin Direktorlar Şurasının sədri Məleykə Abbaszadə jurnalistlərə müsahibəsində söyləyib.
Xatırladaq ki, ali təhsil müəssisələrinə yerləşdirmənin nəticələri avqustun 31-də elan edilib.
Ali təhsil müəssisələrinin müsabiqəsində 66 min 724 nəfər iştirak edib. Onlardan 48 min 841 nəfəri (o cümlədən 4927 subbakalavr) ali təhsil müəssisələrinə qəbul olunub. 23 min 44 (o cümlədən 253 subbakalavr) nəfər dövlət sifarişi əsasında, 25 min 797 (o cümlədən 4674 subbakalavr) nəfər isə ödənişli əsaslarla təhsil almaq hüququ əldə edib