Dövlət İmtahan Mərkəzi tərəfindən dövlət qulluqçuları üçün “Əmək qanunvericiliyinin tətbiqi” mövzusunda təlim keçirilib.

Mərkəzdən AZƏRTAC-a bildirilib ki, təlim zamanı əmək məzuniyyətinin növləri, əmək məzuniyyəti və onun verildiyi iş ili, məzuniyyətin müddətləri, əmək stajına görə əlavə məzuniyyətlərin müddətləri və verilmə qaydası, yaradıcılıq və təhsil məzuniyyətləri, sosial məzuniyyətlər, ödənişsiz məzuniyyətlər, məzuniyyət hüququnun həyata keçirilməsi qaydaları, məzuniyyət vaxtı üçün əmək haqqının ödənilməsi qaydaları və s. mövzular barədə təlim iştirakçıları məlumatlandırılıb və bu səpkidə bir sıra müzakirələr aparılıb.

Qeyd edək ki, təlimlərdə “Əmək qanunvericiliyinin tətbiqi” mövzusunda təlimlər martın 1-dək davam edəcək.

Təlimlər “İnsan resurslarının idarə edilməsi”, “Əmək qanunvericiliyinin tətbiqi”, “Kargüzarlıq və elektron sənəd dövriyyəsi sistemləri” mövzuları üzrə mart ayının əvvəlinədək davam edəcək.