Dekabrın 16-da Diasporla İş üzrə Dövlət Komitəsinin "Diaspor Gəncləri 1+1" layihəsinin iştirakçıları Fəxri xiyabana gələrək müasir müstəqil Azərbaycanın memarı və qurucusu, Yeni Azərbaycan Partiyasının yaradıcısı, xalqımızın ümummilli lideri Heydər Əliyevin xatirəsini ehtiramla yad edib, məzarı önünə əklil və gül dəstələri qoyublar.

AZƏRTAC xəbər verir ki, sonra Şəhidlər xiyabanına gələn layihə iştirakçıları Azərbaycanın müstəqilliyi və ərazi bütövlüyü uğrunda mübarizədə canlarından keçən qəhrəman Vətən övladlarının xatirəsinə ehtiram ifadə edib, məzarları üzərinə güllər düzüblər.