Daxili işlər naziri general-polkovnik Vilayət Eyvazov və Daxili İşlər Nazirliyinin (DİN) şəxsi heyəti 20 Yanvar faciəsinin 32-ci ildönümü ilə əlaqədar şəhidlərin xatirəsini yad ediblər.

DİN-in mətbuat xidmətindən AZƏRTAC-a bildiriblər ki, nazirliyin kollektivi Şəhidlər xiyabanına gələrək, Azərbaycanın müstəqilliyi və ərazi bütövlüyü uğrunda mübarizədə canlarını qurban vermiş qəhrəman Vətən övladlarının məzarlarını ziyarət edib, şəhidlərimizin unudulmaz və müqəddəs xatirəsini dərin hüznlə anıb.