İşğaldan azad olunmuş ərazilərdə yerləşən Daşaltı, Arazboyu yasaqlıqlarında, Bəsitçay təbiət qoruğunda təbiətə dəymiş ziyanın qiymətləndirilməsi aparılır. Yekun nəticələr aidiyyəti üzrə dövlət qurumlarına təqdim olunacaq.

AZƏRTAC xəbər verir ki, bunu ekologiya və təbii sərvətlər nazirinin müavini Vüqar Kərimov işğaldan azad olunmuş ərazilərdəki ekoloji durum, görülən və görüləcək işlərlə bağlı keçirilən brifinqdə deyib.

V. Kərimov, həmçinin deyib: "Azərbaycanda 10 milli park, 10 dövlət təbiət qoruğu, 24 yasaqlıq var. İşğaldan azad olunmuş ərazilərdə 6 xüsusi mühafizə olunan ərazi fəaliyyət göstərir".