Azərbaycanın Gürcüstandakı səfirliyi avqustun 12-də daha 279 nəfər Azərbaycan vətəndaşının ölkəmizə təxliyəsini həyata keçirib.

AZƏRTAC xəbər verir ki, təxliyə olunanların 74-ü Azərbaycan, 202-si Gürcüstan, 2-si Rusiya, 1-i isə Ukrayna vətəndaşı olan azərbaycanlıdır.

Həmin şəxslər avqustun 11-də Tbilisidəki laboratoriyaların birində koronavirusla bağlı test olunublar və heç birində virus aşkarlanmayıb.

Təxliyə olunan şəxslər səfirlikdən COVID-19 arayışı alandan sonra onlar üçün ayrılmış avtobuslarla Azərbaycanla sərhəddəki “Qırmızı körpü” sərhəd-keçid məntəqəsinə çatdırılıblar.

Qeyd edək ki, Azərbaycan səfirliyi pandemiya dövründə Gürcüstan vasitəsilə 1500-ə yaxın azərbaycanlını ölkəmizə təxliyə edib.

Xətayi Əzizov

AZƏRTAC-ın xüsusi müxbiri

Tbilisi