Ölkəmizdə kənd təsərrüfatının ənənəvi əkin sahələrinin, o cümlədən çəltikçiliyin inkişafının təmin edilməsi dövlətin həyata keçirdiyi iqtisadi siyasətin əsas istiqamətlərindəndir.
×
Ölkəmizdə kənd təsərrüfatının ənənəvi əkin sahələrinin, o cümlədən çəltikçiliyin inkişafının təmin edilməsi dövlətin həyata keçirdiyi iqtisadi siyasətin əsas istiqamətlərindəndir. Azərbaycan Respublikası Prezidentinin 2018-ci il 9 fevral tarixli Sərəncamı ilə təsdiq edilmiş “Azərbaycan Respublikasında çəltikçiliyin inkişafına dair 2018-2025-ci illər üçün Dövlət Proqramı” bu sahədə fermerlər və məhsul istehsalçıları üçün geniş imkanlar açıb.
AZƏRTAC xəbər verir ki, Lənkəran-Astara zonasında subtropik torpaq-iqlim şəraitində yetişdirilən düyü dadı və xüsusi ətrinə görə dünyada yetişdirilən düyülərdən fərqlənir. Belə bölgələrimizdən olan Lənkəranda çəltik sahələri ildən-ilə genişlənir.
Bu il rayonda 730,5 hektar sahədə çəltik əkini aparılıb. Məhsuldarlığın 40 sentner, düyü istehsalının isə 2900 tondan çox olacağı gözlənilir.
AZƏRTAC Lənkəranın çəltik sahələrindən çəkilən fotoları təqdim edir.