Şuşaya gəldiyimiz üçün çox sevincliyik. Ermənilər Şuşanı dağıdıblar, buraya zərər vurublar, buna görə qəlbimizdə kövrək hisslər də var. Eyni zamanda, qürur hissi də var ki, burada quruculuq işləri həyata keçirilir.

Bu fikirləri Şuşada AZƏRTAC-a müsahibəsində Demokratiya və İnsan Hüquqları Komitəsinin sədri, hüquq üzrə fəlsəfə doktoru Çingiz Qənizadə ifadə edib.

Bu bölgənin ölkəmiz üçün çox əhəmiyyətli olduğunu qeyd edən hüquq müdafiəçisi bildirib: “Bu şəhəri, bu bölgəni bizə qaytardığı üçün Ali Baş Komandana və Ordumuza minnətdaram. Onların adı tarixə qızıl hərflərlə həkk olundu. Buraya Böyük Qayıdış başladıqdan sonra biz xoşbəxt, gözəl həyatın bərqərar olmasını görəcəyik. Ölkəmizdəki siyasi təşkilatlar milli maraqlar, dövlət maraqları önə çıxan zaman birləşməyi bacardılar. Bu siyasi birlik xalqımızın işıqlı gələcəyinə gedən yoldur”.