Cəbrayıl rayonunun Aşağı Maralyan kəndi Karxulu inzibati ərazi vahidində, Araz çayının sol sahilində, düzənlikdə yerləşir. Əhalisinin əsas məşğuliyyəti heyvandarlıq olub.

Kənd 1993-cü ildə Ermənistan silahlı qüvvələri tərəfindən işğal olunmuşdu. Erməni vandalları işğal dövründə kəndi viran qoyaraq xarabalığa çeviriblər.

Vətən müharibəsində düşmənə sarsıdıcı zərbə vuran rəşadətli Azərbaycan Ordusu 2020-ci il oktyabrın 3-də kəndi işğaldan azad edib.

AZƏRTAC işğal dövründə erməni vandalizminə məruz qalmış Aşağı Maralyan kəndinin görüntülərini təqdim edir.