İyulun 26-da Bakı Ağır Cinayətlər Məhkəməsində casusluqda ittiham olunan ermənilər - Davtyan Davit Tiqrani və Gevorg Sujyan cinayət işi üzrə məhkəmə prosesinin hazırlıq iclası keçirilib.

AZƏRTAC xəbər verir ki, hakim Əli Məmmədovun sədrliyi ilə keçirilən prosesdə təqsirləndirilən şəxslər Azərbaycan Respublikasının dövlət sərhədini qanunsuz keçdiklərini bildiriblər.

Fasilədən sonra prosesdə Gevorg Sujyanın istintaqa verdiyi ifadə elan edilib.

Sonra digər təqsirləndirilən şəxs Davit Davtyan sərbəst ifadə verib və onun istintaqa verdiyi ifadə elan olunub.

Bu cinayət işi üzrə növbəti məhkəmə iclası iyulun 28-nə təyin olunub.

Qeyd edək ki, Gevorg Sujyan və Davit Davtyan Azərbaycan Respublikası Cinayət Məcəlləsinin 228.2.1-ci, 276-cı, 279.1-ci və 318.2-ci maddələri ilə ittiham olunurlar.