Prezident İlham Əliyevin və Birinci vitse-prezident Mehriban xanım Əliyevanın dəvəti ilə Azərbaycana gəlmişik. Bu dəvətə görə Türkiyə idmançıları olaraq minnətdarıq.

AZƏRTAC xəbər verir ki, bu fikirləri jurnalistlərə müsahibəsində İrəvanda Avropa çempionatında 3 medal qazanmış Türkiyə idmançısı Cansu Bektaş bildirib.

Ölkəmizi çox sevdiyini qeyd edən türkiyəli idmançı deyib ki, Azərbaycan və Türkiyə dost və qardaş ölkələrdir: “Azərbaycan xalqı ilə birlikdə olmaq mənim üçün gözəl duyğudur. Hesab edirəm ki, qardaş ölkənin idmançıları ilə mötəbər yarışlarda bundan sonra da iştirak edərək, yüksək nailiyyətlərə imza atacağıq. Bu dostluq davam edəcək”.

C.Bektaş ağır atletika üzrə Azərbaycan çempionatının çox gərgin keçdiyini və bütün idmançılara uğurlar dilədiyini söyləyib.