Bu il müharibə əlilləri və onlara bərabər tutulan şəxslərə 160-a yaxın avtomobilin verilməsi nəzərdə tutulub. Həmin avtomobillərdən 50-si artıq verilib.

AZƏRTAC xəbər verir ki, bunu Əmək və Əhalinin Sosial Müdafiəsi Nazirliyinin tabeliyindəki Sosial Xidmətlər Agentliyinin İdarə Heyətinin sədri Vüqar Behbudov Agentlikdə 2021-ci ilin 6 ayının yekunlarına və postmüharibə dövründə sosial xidmətlərə dair keçirilən mətbuat konfransında bildirib.

V.Behbudov bu günədək 7250 avtomobilin həmin kateqoriyadan olanlara təqdim edildiyini deyib.