Cari ilin birinci yarısında Zaqatala rayonunda iqtisadiyyatın əsas sahələri üzrə məhsul buraxılışının ümumi həcmi 176 milyon 48 min manat olub. Altı ayda rayonda 88 milyon 956,8 min manatlıq sənaye, 48 milyon 822,7 min manatlıq kənd təsərrüfatı məhsulları istehsal edilib, 8 milyon 252,2 min manat həcmində tikinti-quraşdırma işləri görülüb. İlin birinci yarısında aqrar sahədə məhsul istehsalı keçən ilin müvafiq dövrü ilə müqayisədə 18,8 faiz artıb.

Bu barədə AZƏRTAC-ın bölgə müxbirinə Zaqatala Rayon Statistika İdarəsindən məlumat verilib.

Bildirilib ki, birinci yarımillikdə rayonda 854-ü daimi olmaqla, 894 yeni iş yeri açılıb. İş yerlərinin 57-si mövcud, 18-i yeni açılmış müəssisə və təşkilatlarda, 779-u isə fiziki şəxslərdə yaradılıb. Bundan əlavə, 6 ayda mövsümi və abadlıq işləri, həmçinin digər tədbirlər üzrə 40 yeni iş yeri açılıb.