Vətəndaş məmnuniyyətinin, təhsilin keyfiyyətinin yüksəldilməsi, təhsil mühitinin sağlamlaşdırılması, təhsil sistemində idarəetmənin yaxşılaşdırılması Regional Təhsil İdarələrinin qarşısında duran əsas vəzifədir.

AZƏRTAC xəbər verir ki, bunu “Media və təhsil dialoqu” mövzusunda təlim-seminarda Elm və Təhsil Nazirliyinin Ümumi və məktəbəqədər təhsilin təşkili və idarəolunması şöbəsinin müdiri Elnur Əliyev söyləyib. O qeyd edib ki, bu il Regional Təhsil İdarələrinin fəaliyyətə başladığı ilk tədris ilidir.

E.Əliyev tədbirdə “Regional təhsil idarələri və məktəbəqədər təhsil müəssisələri” mövzusunda təqdimat edib.

Xatırladaq ki, Azərbaycan Respublikası Prezidentinin 2021-ci il 20 dekabr tarixli Sərəncamına əsasən, rayon və şəhər təhsil şöbələrinin (idarələrin) əsasında 12 regional təhsil idarəsi yaradılıb.

Elm və Təhsil Nazirliyinin keçirdiyi ikigünlük təlim-seminar Azərbaycan-Fransız Universitetində təşkil edilib