Son iki-üç il ərzində özünüməşğulluq proqramına cəlb olunanların sayında artım müşahidə olunur.

AZƏRTAC xəbər verir ki, bunu Dövlət Məşğulluq Agentliyinin sədri Mustafa Abbasbəyli deyib.

Agentliyin sədrinin sözlərinə görə, 2020-ci ildə 12 min, 2021-ci ildə 16 min 232 nəfər həmin prosesə cəlb olunub. Bu il isə 16 min 700 nəfərin özünüməşğulluq proqramına cəlb olunması nəzərdə tutulub.