Bakıda keçirilən bədii gimnastika üzrə dünya kuboku yarışlarında ən yüksək icra xalını toplamış idmançıya və qrup hərəkətləri komandasına ənənəvi “AGF Trophy” kuboku təqdim edilib.

AZƏRTAC xəbər verir ki, kubok Bolqarıstan gimnastı Stiliana Nikolova və Çinin qrup hərəkətləri komandasının üzvlərinə verilib.

Qeyd edək ki, bu, ölkəmizdə bədii gimnastika üzrə təşkil olunan onuncu dünya kuboku yarışlarıdır. Paytaxtımız 2005-ci və 2019-cu illərdə bu növ üzrə dünya çempionatına ev sahibliyi edib.