Bu ilin altı ayı ərzində Binəqədi rayonu üzrə 730 şəxs işlə təmin olunub, 73 nəfər özünüməşğulluq proqramlarına cəlb olunub, 541 nəfər isə sosial yardımla təmin edilib. Ümumilikdə rayon üzrə 2230 nəfər işlə təmin edilib və onların xeyli hissəsi Vətən müharibəsi ailəsinin üzvləri və qazilərdir.

AZƏRTAC xəbər verir ki, bunu Binəqədi Rayon İcra Hakimiyyəti başçısının müavini Hacıbaba Babayev Əmək və Əhalinin Sosial Müdafiəsi Nazirliyinin tabeliyindəki Dövlət Məşğulluq Agentliyinin Bakı Regional Məşğulluq filialı tərəfindən işsiz və işaxtaran şəxslər üçün təşkil etdiyi əmək yarmarkasında deyib.

Onun verdiyi məlumata görə, bu ilin sonunadək 4-4,5 min nəfərin işlə təmin olunması, 50-60 nəfər şəxsin özünüməşğulluq tədbirlərinə cəlb edilməsi nəzərdə tutulub. Həmin məsələlərdə prioritetin həssas təbəqədən olanlara veriləcəyi əsas vəzifələrdən biridir.