26 İyun – Silahlı Qüvvələr Günü münasibətilə Fövqəladə Hallar Nazirliyi (FHN) işçilərinin Həmkarlar İttifaqının təşkilatçılığı ilə 44 günlük Vətən müharibəsində iştirak etmiş 44 nəfər qazi və veteran iyunun 22-də paytaxtdan Xaçmaz rayonunun Nabran kəndində yerləşən “Orman” ailəvi istirahət mərkəzinə yola salınıb.

AZƏRTAC xəbər verir ki, iyunun 27-dək nəzərdə tutulan səfər çərçivəsində veteran və qazilərin Xaçmaz şəhərində Heydər Əliyev abidəsinin, Şəhidlər xiyabanın ziyarəti, həmçinin Silahlı Qüvvələr Günü münasibətilə tədbirlərin keçirilməsi nəzərdə tutulub.

Qeyd edək ki, “Orman” istirahət mərkəzində istirahət edəcək Vətən müharibəsi qazilərinin və veteranlarının günlük istirahətlərinin səmərəli keçirmələri üçün minifutbol, voleybol, stolüstü tennis, bilyard, şahmat və digər oyunların təşkili planlaşdırılıb. Həmçinin onların FHN işçilərinin Həmkarlar İttifaqı tərəfindən qiymətli hədiyyələrlə mükafatlandırılması da nəzərdə tutulub.