Beynəlxalq Muğam Mərkəzində Rusiya Federasiyasının Xalq artisti Nadejda Krıginanın və L.Zikına adına “Rossiya” Dövlət Akademik Rus Xalq Ansamblının konserti olub.
×
Beynəlxalq Muğam Mərkəzində Rusiya Federasiyasının Xalq artisti Nadejda Krıginanın və L.Zikına adına “Rossiya” Dövlət Akademik Rus Xalq Ansamblının konserti olub.
AZƏRTAC xəbər verir ki, Xalq Birliyi Gününə həsr edilmiş konsert Rusiyanın Azərbaycandakı səfirliyinin dəstəyi ilə Bakıdakı Rus Evi və RF Mədəniyyət Nazirliyi tərəfindən təşkil edilib. Konsertə gələnlər arasında Milli Məclisin sədrinin birinci müavini Əli Hüseynli, Qazaxıstanın Azərbaycandakı səfiri Serjan Abdıkarimov, Rusiyanın Azərbaycandakı səfirliyinin, bir sıra ölkələrin diplomatik korpusunun nümayəndələri, tanınmış incəsənət xadimləri, ziyalılar, Rus Pravoslav Kilsənin və kütləvi informasiya vasitələrinin təmsilçiləri vardı.
Tədbiri giriş sözü ilə Rusiyanın Azərbaycandakı səfiri Mixail Boçarnikov açıb.
Sonra Nadejda Krıgina tədbirin təşkilatçıları və konsertdə gələnlərin hamısına səmimi qəbul üçün təşəkkürünü bildirib. Daha sonra Xalq artistinin və kvintetin ifasında “Kakaya pesnya bez bayana”, “Vesyolaya kadril”, “Verila, verila, veryu”, “Kosınka” və bir sıra başqa rus mahnıları səslənib.
Tədbir anşlaq şəraitində keçib. Bakılı tamaşaçılar Xalq artistinin çıxışını gurultulu alqışlarla qarşılayır, onu səhnədən buraxmaq istəmirdilər.