Beynəlxalq Çövkən Federasiyasının ikinci Assambleyasının keçiriləcəyi tarix bəlli olub.

AZƏRTAC xəbər verir ki, bu barədə Beynəlxalq Çövkən Federasiyasının prezidenti, Azərbaycan Respublikası Atçılıq Federasiyasının baş katibi Bəhruz Nəbiyev mayın 21-də start götürəcək Peşəkar Çövkən Liqası ilə bağlı təşkil olunmuş mətbuat konfransında deyib.

Onun sözlərinə görə, tədbir iyunun 10-11-də baş tutacaq: "Burada 50-dən çox ölkədən nümayəndənin iştirakı nəzərdə tutulub".

Qeyd edək ki, Beynəlxalq Çövkən Federasiyası fevralın 1-də təsis olunub. Bu, Azərbaycanda çövkən üzrə qurulan ilk beynəlxalq federasiyadır.