Martın 30-da Beynəlxalq Avrasiya Mətbuat Fondu (BAMF) ilə Əl-Cəzirə Media Şəbəkəsi arasında əməkdaşlıq memorandum imzalanıb.
AZƏRTAC xəbər verir ki, sənədi Əl-Cəzirə Media Şəbəkəsi rəhbərliyi adından qurumun İctimai Azadlıqlar və İnsan Haqları Mərkəzinin direktoru Sami Əl–Hacc və Beynəlxalq Avrasiya Mətbuat Fondunun (BAMF) prezidenti Umud Mirzəyev imzalayıblar.
×
Martın 30-da Beynəlxalq Avrasiya Mətbuat Fondu (BAMF) ilə Əl-Cəzirə Media Şəbəkəsi arasında əməkdaşlıq memorandum imzalanıb.
AZƏRTAC xəbər verir ki, sənədi Əl-Cəzirə Media Şəbəkəsi rəhbərliyi adından qurumun İctimai Azadlıqlar və İnsan Haqları Mərkəzinin direktoru Sami Əl–Hacc və Beynəlxalq Avrasiya Mətbuat Fondunun (BAMF) prezidenti Umud Mirzəyev imzalayıblar.
BAMF-ın Prezidenti Umud Mirzəyev memorandumun imzalanmasını əlamətdar hadisə adlandırıb.
Sonra Sami Əl-Hacc təmsil etdiyi qurumun Azərbaycanla əməkdaşlığının tarixi barədə məlumat verib. O, imzalanan sənədin iki təşkilat arasında 10 ildən çoxdur uğurla davam edən sıx əlaqələri daha da genişləndirəcəyini bildirib.
Əl-Cəzirənin şöbə müdiri Həsən Elmaqor çıxış edərək memorandumun “Əl-Cəzirə”ni bütün Azərbaycan mediası üçün əlçatan edəcəyini vurğulayıb. Media Şəbəkəsinin peşəkar təlimçiləri tərəfindən ötən il Azərbaycan jurnalistləri üçün keçirilən təhlükəsizlik təlimlərinin davam etdiriləcəyini deyib.
Medianın İnkişafı Agentliyinin təmsilçisi Pərvanə İbrahimova çıxışında “Əl-Cəzirə”nin istər birinci, istərsə də İkinci Qarabağ savaşının işıqlandırılmasında fəaliyyətə, həmçinin bitərəf mövqeyinə görə kanala təşəkkürünü bildirib.
