Beyləqanda ağır yol-nəqliyyat hadisəsi baş verib.

Fövqəladə Hallar Nazirliyindən AZƏRTAC-a bildiriblər ki, nazirliyin 112 - qaynar telefon xəttinə Beyləqan rayonunun Birinci Şahsevən kəndi ərazisində “Mercedes” markalı minik avtomobilinin su kanalına düşməsi barədə məlumat daxil olub. Hadisə yerinə cəlb olunan Dövlət Yanğından Mühafizə Xidmətinin müvafiq xilasetmə qüvvələrinin səyi nəticəsində avtomobil su kanalından çıxarılıb. Avtomobildə aşkarlanan və şəxsiyyəti məlum olmayan kişi meyiti aidiyyəti üzrə təhvil verilib.

Hadisə ilə bağlı müvafiq qurumlar tərəfindən araşdırma aparılır.