Beşqat dünya və Avropa çempionu belaruslu Oleq Ryabtsov Bakıda keçirilən batut gimnastikası üzrə dünya kuboku yarışında təsnifat mərhələsinə liderlik edir.
×
Beşqat dünya və Avropa çempionu belaruslu Oleq Ryabtsov Bakıda keçirilən batut gimnastikası üzrə dünya kuboku yarışında təsnifat mərhələsinə liderlik edir.
AZƏRTAC xəbər verir ki, Belarus təmsilçisi 60,490 xalla rəqiblərini qabaqlayır. Digər belaruslu idmançı Andrey Builov 60,460 xalla ikinci, Rusiya təmsilçisi Kirill Kozlov isə 59,100 xalla üçüncü pillədə yer alıblar.
İki gün davam edəcək yarışda ölkəmizi Selcan Mahsudova təmsil edəcək.
Batut gimnastikası Azərbaycanda 2013-cü ilin sonundan inkişaf etməyə başlayıb. Bu növ üzrə dünya kuboku yarışı Bakıda beşinci dəfə təşkil olunur.
Qeyd edək ki, idmansevərlər batut ulduzlarının təqdimatında maraqlı mübarizəni “İdman TV” kanalı vasitəsilə canlı izləyə biləcəklər.
Yarışlar Azərbaycan Respublikası Nazirlər Kabinetinin xüsusi icazəsi ilə ölkəmizdə tətbiq edilən mövcud karantin qaydalarına və sanitar-epidemioloji tələblərə uyğun olaraq və tamaşaçı iştirakı olmadan keçirilir.
Ənənəyə uyğun olaraq, kubok yarışlarında ən çox icra xalını yığmış gimnast və qrup komandasına ənənəvi “AGF Trophy” kuboku təqdim olunacaq.
