Azərbaycan Dövlət Akademik Filarmoniyasının “Gəncliyə dəstək” layihəsi çərçivəsində Bakıdakı Rus evində gənc istedadların fevralın 2-də qeyd olunan Azərbaycan Gənclər Gününə həsr edilmiş konserti təşkil olunub.

AZƏRTAC xəbər verir ki, konsertdə beynəlxalq və respublika müsabiqə və festivallarının laureatları çıxış ediblər. Bayram konsertində Azərbaycan və xarici ölkə bəstəkarlarının klassik əsərləri səsləndirilib.

Qeyd edək ki, Azərbaycan Gənclər Günü öz başlanğıcını 1996-cı il fevralın 2-də keçirilmiş Birinci Gənclər Forumundan götürüb.