Azərbaycanın ev sahibliyi etdiyi kəmər güləşi üzrə III Avropa çempionatı ilə əlaqədar məşqçilərin və ölkələrin nümayəndə heyətlərinin iştirakı ilə görüş keçirilib.

AZƏRTAC xəbər verir ki, Milli Gimnastika Arenasında keçirilən görüşdə yarışın təşkilatçıları olan Gənclər və İdman Nazirliyinin, Beynəlxalq Kəmər Güləşi Federasiyasının, Azərbaycan Milli İdman Növləri Assosiasiyasının (AMİNA), Bakı Şəhər Halqası Əməliyyat Şirkətinin nümayəndələri də iştirak ediblər.

Tədbirdə federasiyaların prezidentləri, nümayəndələri, məşqçiləri və hakimlər iştirakçılara uğurlar arzulayıblar.

Avropa çempionatı oktyabrın 4-dək davam edəcək.