Bakıda keçirilən akrobatika gimnastikası üzrə 28-ci dünya çempionatı sona yaxınlaşır.

AZƏRTAC xəbər verir ki, çempionatın sonuncu günündə qadın cütlüklər, qruplar temp, kişi cütlüklər və qruplar isə balans hərəkətində medallar uğrunda mübarizə aparacaqlar. Qarışıq cütlüklər arasında isə balans hərəkətində qaliblərin adlarına aydınlıq gələcək.

Çempionatda 17 ölkədən 170 gimnast iştirak edir.

Xatırladaq ki, 2018-ci ildə Azərbaycan ilk dəfə akrobatika gimnastikası üzrə dünya kuboku turnirinə, bu il martın 3-dən 6-dək isə 12-ci dünya yaş qrupları yarışlarına ev sahibliyi edib.