Dekabrın 6-da Bakıda İtaliya mətbəxi həftəsi çərçivəsində “Aralıq dənizi pəhrizi və köklərimizdən gələn reseptlər: Sağlamlıq və ənənələr” adlı tədbir təşkil olunub.

AZƏRTAC xəbər verir ki, tədbirdə məşhur Mişelin ulduzlu italyan aşpaz Andrea Berton xüsusi ustad dərsi ilə çıxış edib. Andrea Berton İtaliyanın ən sevilən yeməklərindən biri olan rizottonu hazırlayaraq onun sirlərini iştirakçılarla bölüşüb. Aşpazın təqdim etdiyi yemək həm mükəmməl dadı, həm də estetik görünüşü ilə tədbir iştirakçılarının böyük marağına səbəb olub.

Andrea Berton yeməyin hazırlanması prosesində istifadə etdiyi xüsusi texnikalar və yüksək keyfiyyətli İtaliya məhsulları barədə ətraflı məlumat verib.

Tədbirin sonunda iştirakçılar şef Andrea Bertonun hazırladığı rizottonın dadına baxıb, onun unudulmaz kulinariya bacarığını bir daha yüksək qiymətləndiriblər.

İtaliya mətbəxi həftəsi ölkənin kulinariya ənənələrinin zənginliyini və mədəni irsini geniş auditoriyaya tanıtmaq məqsədi daşıyır.