İyunun 4-də Bakıda "EducationUSA" adlı məzun yarmarkası keçirilib.
AZƏRTAC xəbər verir ki, yarmarka "EducationUSA Məsləhət Mərkəzi"nin təşkilatçılığı ilə Azərbaycan Dillər Universitetində yerləşən Bakı Amerika Mərkəzində baş tutub.
×
İyunun 4-də Bakıda "EducationUSA" adlı məzun yarmarkası keçirilib.
AZƏRTAC xəbər verir ki, yarmarka "EducationUSA Məsləhət Mərkəzi"nin təşkilatçılığı ilə Azərbaycan Dillər Universitetində yerləşən Bakı Amerika Mərkəzində baş tutub.
Tədbirdə ABŞ-ın Azərbaycandakı səfiri Örl Litzenberger, bakalavrlar və məzunlar iştirak ediblər.
Yarmarkaya ABŞ-ın 25-dən çox ali təhsil müəssisəsinin nümayəndələri, o cümlədən aparıcı dövlət universitetləri, icma kollecləri və liberal sənət kollecləri qatılıb. Məzunlar yarmarkada iştirak edən tələbələrə ABŞ-da ali təhsil almaq imkanlarını izah edib, müxtəlif kollec və universitetlər barədə ətraflı məlumat veriblər. Burada məzunlar hər bir tələbəyə ən uyğun olan məktəbi tapmaq üçün müxtəlif seçimləri araşdırmaq yolları barədə danışıblar.
Tədbirdə çıxış edən ABŞ-ın Azərbaycandakı səfiri Örl Litzenberger Amerika təhsilinin yüksək səviyyədə inkişaf etdiyini bildirib, məzunlar şəbəkəsinin gücü və Amerikada iş imkanları barədə danışıb.
Qeyd edək ki, "EducationUSA" ABŞ Dövlət Departamentinin 170-dən çox ölkədə 400-dən çox beynəlxalq tələbə məsləhət mərkəzini birləşdirən şəbəkəsidir. Şəbəkə ABŞ-da akkreditə olunmuş ali təhsil müəssisələrində təhsil almaq imkanları haqqında dəqiq, hərtərəfli və aktual məlumatlar təqdim etməklə bütün dünyada tələbələrə ABŞ-ın ali təhsil sistemini təbliğ edir.