Bakıda keçirilən bədii gimnastika üzrə Dünya Kubokuna bu gün yekun vurulacaq.

AZƏRTAC xəbər verir ki, Milli Gimnastika Arenasında təşkil edilən turnirin son günündə fərdi və qrup hərəkətləri proqramında mükafatçılar müəyyənləşəcək.

Otuz doqquz ölkədən gimnastlar ayrı-ayrı alətlər üzrə bacarıqlarını nümayiş etdirəcəklər.

Bu gün, həmçinin ənənəyə uyğun olaraq Kubokda ən çox icra xalını toplamış gimnasta və qrup komandasına “AGF Trophy” kuboku təqdim ediləcək.