Bakıda akrobatika gimnastikası üzrə 12-ci dünya yaş qrupları yarışlarının sonuncu – dördüncü gününə start verilib.

AZƏRTAC xəbər verir ki, sonuncu yarış günündə 13-19 yaş kateqoriyasında qadın cütlüklər temp, qadın qruplar isə balans hərəkətində təsnifat mərhələsində çıxış edirlər.

Günün sonunda 13-19 yaş kateqoriyasında kişi və qadın cütlüklər, qruplar və qarışıq cütlüklər arasında final yarışı təşkil olunacaq.

Ölkəmizdə ilk dəfə təşkil olunan yarışda 24 ölkədən 438 idmançı iştirak edir.

Qeyd edək ki, yarış Azərbaycan Respublikası Nazirlər Kabinetinin xüsusi icazəsi ilə ölkəmizdə tətbiq edilən mövcud karantin qaydalarına və sanitar-epidemioloji tələblərə uyğun, tamaşaçı iştirakı olmadan keçirilir.