Bakıda akrobatika gimnastikası üzrə Dünya Kubokunun açılış mərasimi keçirilib.

AZƏRTAC xəbər verir ki,Milli Gimnastika Arenasında təşkil edilən tədbirdə əvvəlcə Azərbaycan Respublikasının Dövlət Himni səsləndirilib. Daha sonra çıxışlara start verilib.

Turnirdə 7 ölkədən 63 idmançı medallar uğrunda mübarizə aparır.

İlk yarış günündə qadın cütlükləri, kişi və qadın qrupları balans, kişi və qarışıq cütlüklər isə temp hərəkətlərində qüvvələrini sınayacaqlar.

Dünya Kubokuna iyunun 15-də yekun vurulacaq.