Dekabrın 7-də Azərbaycan Respublikasının İnsan Hüquqları Gününə həsr edilən "Yaxşı idarəçiliyin təbliğində ombudsmanın və vətəndaş cəmiyyəti institutlarının rolu" mövzusunda dəyirmi masa keçirilir.

AZƏRTAC xəbər verir ki, Azərbaycan Respublikasının Ombudsman Aparatı və Avropa Beynəlxalq Əməkdaşlıq Cəmiyyəti (GIZ) birgə təşkilatçılığı ilə keçirilən dəyirmi masada dövlət qurumlarının, məhkəmə orqanlarının, xarici ölkələrin ombudsman təsisatlarının, beynəlxalq təşkilatların və vətəndaş cəmiyyəti institutlarının nümayəndələri iştirak edirlər.

Tədbiri giriş sözü ilə açan Azərbaycan Respublikasının insan hüquqları üzrə müvəkkili Səbinə Əliyeva 2020-ci il sentyabrın 27-dən başlayaraq 44 gün davam edən Vətən müharibəsindən sonra məcburi köçkünlərimizin öz yurd-yuvalarına qayıtmaq imkanı yaranıb. Bildirib ki, Ombudsman Aparatı olaraq insan hüquq və azadlıqlarının təminatını başlıca vəzifə kimi qəbul edirik.

Açılış nitqi ilə çıxış edən Almaniyanın Azərbaycandakı səfiri Volfqanq Maniq insan hüquq və azadlıqları sahəsindəki problemlərin bir ölkəni deyil, bütün dünyanı narahat etdiyini bildirib, bu mövzuda müzakirələrin əhəmiyyətini qeyd edib.

Sonra Almaniya Beynəlxalq Əməkdaşlıq Cəmiyyətinin (GIZ) Azərbaycan üzrə direktoru xanım Karin Hoerman və BMT-nin Azərbaycandakı rezident əlaqələndiricisi xanım Vladanka Andreyeva dəyirmi masada aparılan müzakirələrin maraqlı keçəcəyinə ümidvar olduqlarını bildirdilər.

Tədbir Almaniya Beynəlxalq Əməkdaşlıq Cəmiyyəti (GIZ) "Cənubi Qafqaz üzrə yerli inkişaf üçün Yaxşı İdarəçilik proqramı"nın müşaviri Samuel Heldin moderatorluğu ilə davam edir.