Dekabrın 22-də Azərbaycan Respublikası Dini Qurumlarla İş üzrə Dövlət Komitəsinin (DQİDK) təşkilatçılığı ilə “Prezident İlham Əliyevin siyasəti: biz birlikdə güclüyük!” mövzusunda konfrans keçirilir.

AZƏRTAC xəbər verir ki, konfransda DQİDK və tabeliyindəki qurumların rəhbər şəxsləri, Milli Məclisin deputatları, Yeni Azərbaycan Partiyası, Bakı Beynəlxalq Multikulturalizm Mərkəzi, Qafqaz Müsəlmanları İdarəsinin təmsilçiləri, dini konfessiya rəhbərləri iştirak edirlər.

Konfrans çərçivəsində Dini Qurumlarla İş üzrə Dövlət Komitəsinin sifarişi əsasında Vətən müharibəsində vahid amal uğrunda dəmir yumruq kimi birləşən müxtəlif xalqların və dinlərin mənsubu olan azərbaycanlıların birliyindən, həmrəyliyindən bəhs edən “Dəmir yumruq” sənədli filmi də nümayiş olunub

Tədbirdə Azərbaycan Respublikasının Prezidenti İlham Əliyevin dövlət siyasətinin əsas fəlsəfəsinə çevrilən “Biz birlikdə güclüyük!” şüarının bu gün xalqın qalib ruhunun güzgüsü olmasının, dövlətimizin başçısının təşəbbüsü və rəhbərliyi ilə həyata keçirilən milli həmrəylik siyasətinin önəmi və möhkəmləndirilməsinin əhəmiyyəti barədə müzakirələr aparılacaq.