Avqustun 17-də Azərbaycan, Almaniya və Litva Notariat palatalarının təşkilatçılığı ilə “Notariat fəaliyyətində peşə etikasının əsas aspektləri” mövzusu üzrə konfrans öz işinə başlayıb.
×
Avqustun 17-də Azərbaycan, Almaniya və Litva Notariat palatalarının təşkilatçılığı ilə “Notariat fəaliyyətində peşə etikasının əsas aspektləri” mövzusu üzrə konfrans öz işinə başlayıb.
AZƏRTAC xəbər verir ki, konfransın açılış mərasimində Azərbaycan Notariat Palatasının sədri Hüseyn Məmmədov, Beynəlxalq Notariat İttifaqının Beynəlxalq Notarial Əməkdaşlığı Komissiyasının Prezidenti, Almaniya Federal Notariat Palatasının beynəlxalq münasibətlər üzrə baş nümayəndəsi Rixard Bok, Ədliyyə Nazirliyinin Notariat idarəsinin rəisi Mehman Soltanov çıxış edərək mövzunun əhəmiyyəti və aktuallığından söz açıblar.
Konfrans “Notariusun peşə funksiyaları və peşə etikasının xüsusiyyətləri üzrə Azərbaycan təcrübəsi”, “Notariusların etik davranış qaydaları üzrə Litva təcrübəsi”, “Latın notariatında deontologiya” və “Notariat fəaliyyəti etik davranış kontekstində” mövzularında məruzələrin dinlənilməsi ilə davam edib.
Qeyd edək ki, konfrans avqustun 18-də öz işini başa çatdıracaq.