İRS (Naslediye) silsiləsi çərçivəsində “PAŞA Həyat” ASC və Qərbi Azərbaycan İcmasının dəstəyi ilə nəşr edilmiş “Daşları yığmaq vaxtıdır” kitabının təqdimatı keçirilib.

AZƏRTAC xəbər verir ki, kitab “Üç yol” ümumi adı altında birləşdirilən ön söz, səkkiz fəsil və epiloqdan ibarətdir. Layihənin rəhbəri İRS jurnalının baş redaktoru Musa Mərcanlıdır.

O, bildirib ki, jurnalın bir neçə nömrəsi Qarabağ mövzusuna həsr olunub. “Bu nömrə isə bütövlükdə Qərbi Azərbaycana həsr olunub. Bizim əsas məqsədimiz o torpaqları bir daha görməkdir. Hətta biz ora gedə bilməsək də, fotoqraflarımız bu yerləri çəkə biliblər. Həmin kadrları kitabın səhifəsində görə bilərsiniz”.